ازيكو يا شباب اتمنى تكونو بخير وبتستفادو فعلا من الاكاديمية بتاعتنا واتمنى درس اليوم يعجبكم فى طريقتين لتلوين العجينة الطريقة الاولى وهى اضافة الالوان المرغوب فيها للعجينة قبل تشكيلها والطريقة التانية هى تلوين العجينة بدهانها بالالوان بعد جفافها وفى كلا الحالتين فى نهاية العمل يجب وضع طبقة من الورنيش للحفاظ على العمل من الاتربة والماء واى عوامل اخرى والورنيش نوعان منة السائل ومنة الرش الاسبراى ومنه من له لمعة قوية ومنهم بدون لمعة ومنهم بلمعة خفيفة والميزة فى هذا النوع من العجين كما سبق ووضحنا انها تقبل اى نوع من الالوان
تعالو بقى نتعرف مع بعض بالصور على الادوات اللى بنستخدمها فى تلوين عجينة السيراميك ))ملحوظة الوصف تحت الصور((
وده ظل الجفون هههههههههه اه والله ممكن بس ده هنستخدمة بعد العجينة ماتنشف
اه طلاء اظافر بعد الجفاف و الميزة انة مش بيحتاج لطبقة ورنيش
وكمان جليتر
طبعا اساسى بقى بالت لتخفيف الالوان
مجموعة فرش تلوين مقاسات مختلفة
ده بقى الورنيش السائل اللى قلتلكم عليه
ودى فرشة مبططة صغيرة لتوزيع الورنيش على العمل
ودى فرشة مبططة كبيرة لتوزيع الورنيش على المجسمات الكبيرة
وده الورنيش الرش وهو مش بيحتاج لفرش وفى منة اللمعة درجات
تعالو بقى ناخد استراحة ونرجع تانى نشوف مع بعض هنلون العجينة ازاى
رجعنا تانى .... كل واحد يقعد مكانة لو سمحتو عشان نركز تعالو بقى اوريكم الوانى وخاماتى اللى بستخدمها فى التلوين وهى حاجات بسيطة واللى متوفرة فى السوق عندى
نسيت اقولكم حاجة ممكن نستخدم اسبراى الوان او ذهبى وفضى زى اللى فى الصورة من فوق بعد جفاف العمل العلبة اللى فى اقصى اليمين ده الورنيش السائل واللى بعدية اللى غطاه ابيض ده الورنيش الاسبراى والباقى الوان مائية وجواش وزيت تعالو بقى اوريكم بنلون العجينة ازاى
بناخد قطعة العجينة اللى عايزين نلونها ونضع فى وسطها اللون بتاعنا ونبدا نقفل العجينة على اللون ونعجنها كويس بحيث يغطى اللون كل العجينة ويبقى لونها موحد ومافيهاش اى جزء ابيض
ودى شكلها بعد ما لوناها لما بنفردها مش بنشوف اى تغيير كلها لون واحد
دى بقى من نفس درجات الالوان اللى استخدمناها وكل ما قللنا كمية اللون كل ما طلع لون مختلف
ملحوظة :: لما نلون العجينة نراعى نقطة مهمة ان اللون بيغمق بعد ما تنشف العجينة ____________________________________________________________________________ وبكده بنكون خلصنا الجزء النظرى فى دورتنا من عجينة السيراميك أرجو يكون درس انهاردة يكون سهل عليكم وتكونو فعلا استفدتو منه وانتظرونا مع التطبيق العملى على عجينة السيراميك وهيكون عن طريق ورش عمل مصورة ان شاء الله بعد شهر رمضان المعظم أعاده الله عليكم وعلى الامة الاسلامية باليمن والبركات نلقاكم على خير ودمتم فى حفظ الله وأمنة والسلام عليكم ورحمة الله وبركاتة .................أكاديمية المشغولات اليدوية .............
الرئيسية 
